«Discovery» окуу борбору

Майлуу-Суу шаарындагы 1-11-класстардын окуучуларын тездетилген жайкы Англис тили курстарында билим алууга чакыруу үчүн «Discovery» окуу борборунун тажрыйбалуу мугалимдери 2023-жылдын 27-апрелинде №8 жалпы билим берүү орто мектебине келишип, өздөрүнүн презентациясын жасашты.

Бул курс жайкы эс алуу күндөрүндө уюштурулуп, чет мамлекеттен жана Бишкектен келген тажрыйбалуу мугалимдер тарабынан коммуникативдүү жана интерактивдүү ыкмалар менен сабактар өтүлөрүн баса белгилешти. Бул жолугушууда окуучулар арасында тил үйрөнүүгө кызыккан окуучулардын саны арбын болду. Андыктан мектеп администрациясы жана мугалимдери тарабынан «Discovery» окуу борборунун Англис тили курсун уюштуруу иштерине колдоо көрсөтүлүп, ата- энелерге маалыматтар таркатылууда.